Bul týraly saılaý ýchaskesindegi qysqa brıfıń kezinde Qasym-Jomart Toqaev málimdedi, dep habarlaıdy Almaty-akshamy.kz Inform.kz-ke silteme jasap.
"Memleket josparly túrde jumysty jalǵastyra beredi, men ol týraly aıtqan bolatynmyn. Bas prokýror basshylyq etetin arnaıy komısıa quryldy jáne ol komısıanyń jumysyn ózim qadaǵalaımyn. Meniń pikirimshe, ýaqyt óte kele, elimizden zańsyz áketilgen kapıtaldy qaıtarý boıynsha zań shyǵarýǵa tıispiz. Al, óz erkimen qaıtarýdy tek qana quptaımyz", - dedi Qasym-Jomart Toqaev.
Búgin Astana qalasyndaǵy ál-Farabı atyndaǵy Oqýshylar saraıynda saılaý ýchaskesinde Memleket basshysy Qasym-Jomart Toqaev, kezekten tys Prezıdent saılaýynda óz tańdaýyn jasady. Qysqa brıfıń barysynda jýrnalıserdiń saýaldaryna jaýap berdi. Saýaldardyń biri táýelsizdik jyldarynda elden zańsyz áketilgen kapıtaldy qaıtarýǵa qatysty qoıylǵan edi.
"Táýelsizdik jyldarynda elden zańsyz áketilgen kapıtaldyń kólemi 50 men 150 mlrd dollar arasynda degen boljam bar. Qazaqstan ókimetiniń bul aktıvterdi qaıtarýyna ne yqpal etýi múmkin? Adamdardyń óz erkimen qaıtarýy ma álde memleket tarapynan jasalatyn josparly jumys pa? Tabysqa jetý múmkindigi bar ma?" - dep jýrnalıs saýal qoıǵan edi.