Biregeı joba támamdaldy
«Qazaq tilindegi 100 jańa oqýlyq» jobasy qorytyndylandy, dep habarlaıdy Almaty-akshamy.kz.
Álemniń úzdik oqýlyqtary jarty mıllıonnan asa qazaqstandyq stýdenttiń qolyna tıdi. «Jańa gýmanıtarlyq bilim. Qazaq tilindegi 100 jańa oqýlyq» jobasy qorytyndylandy. Tárjimalaý jumystaryn «Ulttyq aýdarma búrosy» uı̆ymdastyrdy. 100 kitap 4 jylda tolyq tárjimalandy.
Ár oqýlyq 10 000 danamen shyǵyp, elimizdiń oqý oryndaryna taratylǵan. Elektrondy nusqalary «Qazaqstannyń ashyq ýnıversıteti» portalyna ornalastyrylyp, erkin qoldanysqa berildi. Onlaın tuǵyrnamaǵa júz myńnan asa qoldanýshy tirkelgen. Byltyrǵy oqý jylynyń ózinde ondaǵy kýrstar 2 mln ret paıdalanylǵan.
Bul elimizde buryn-sońdy qolǵa alynbaǵan keshendi jobanyń ǵylymı qazaq tiline salǵan oljasy men kádege jaraǵan aýqymynyń kórinisi.
«Oqýlyqtardyń negizinde qazirgi zaman talabyna saı qashyqtan oqýǵa arnalǵan onlaın kýrstar daıyndaldy. Atap aıtatyn bolsaq, ár oqýlyqtyń negizinde beınedárister daıyndalyp, jalpy sany 200 kýrs, 5 myńnan asa beınedáris jasaldy. Olar, ásirese, pandemıa kezinde qashyqtan oqýǵa ótken kezeńde stýdentterge, oqý oryndaryna óte jaqsy kómekshi qural boldy deýge bolady», - dedi «Ulttyq aýdarma búrosy» QQ atqarýshy dırektory Raýan Kenjehanuly.