Tumaýdyń maýsymdyq kóterilýi jalǵasýda
Elimizde apta saıyn JRVI-diń 160 myń jaǵdaıy tirkelip otyr. Bul týraly Densaýlyq saqtaý vıse-mınıstri – Bas memlekettik sanıtarıalyq dáriger Aıjan Emaǵambetova aıtty, dep habarlaıdy Almaty-akshamy.kz QazAqparatqa silteme jasap.
«Qazirgi ýaqytta JRVI (jiti respıratorlyq vırýstyq ınfeksıa) jáne tumaýdyń maýsymdyq kóterilýi jalǵasýda. Epıdemıalyq maýsym bastalǵaly beri JRVI-diń 3,8 mln jaǵdaıy jáne tumaýdyń 3 234 jaǵdaıy tirkeldi», - dedi Aıjan Esmaǵambetova Ortalyq saılaý komısıasynyń otyrysynda.
Onyń atap ótýinshe, apta saıyn ortasha eseppen JRVI-diń 160 000 jaǵdaıy tirkelýde.
«Baıqap otyrǵanyńyzdaı, aqpan aıynda aýrý tómendegen joq, ótken jyldyń osyǵan uqsas kezeńimen salystyrǵanda aýrý 30 paıyzǵa artty. Respýblıkadaǵy epıdemıologıalyq jaǵdaı boljamyna sáıkes JRVI-men aýyrý sáýirdiń aıaǵyna deıin artady jáne keıin azaıady», - dedi vıse-mınıstr.