27 jeltoqsanda Qazaqstan Respýblıkasy Úkimetiniń azamattardy qabyldaý ortalyǵynda Ekologıa jáne tabıǵı resýrstar mınıstri Erlan Nysanbaev kezekti halyqpen kezdesýin ótkizdi.
Azamattardy qabyldaý aralas formatta ótti, qabyldaýǵa jazylǵan azamattar jeke tyńdaldy, sondaı-aq beınekonferens baılanys rejıminde elimizdiń túkpir-túkpirinen ótinish berýshiler qatysa aldy, dep habarlaıdy Almaty-akshamy.kz cala mınıstrliginiń saıtyna silteme jasap.
Ekologıa jáne tabıǵı resýrstar mınıstrliginiń basshysymen kezdesýge 11 másele boıynsha Astana, Almaty, sondaı-aq Aqmola jáne Almaty oblystarynyń 10 turǵyny jazyldy.
Aqmola oblysy boıynsha belsendilerdiń atynan mınıstrdiń qabyldaýyna Q.Táshenova, J. Aslalıev qatysty, olar Úrker shaǵyn aýdanynda (KOS-1, KOS-2) káriz qubyrlaryn salý máselelerin kóterdi.
Almaty qalasynyń turǵyny, zeınetker A. Makın lastanǵan aýany tútinnen tazartýǵa arnalǵan 10 (on) túrli patenttelgen konstrýksıalardyń jobasyn usyndy.
Sondaı – aq , azamattardy jeke qabyldaýǵa L. Stepanov – Alısa jobasynyń tusaýkeseri, A. Lýkpanov – otyn modıfıkatory boıynsha tusaýkeser, S. Ordabaev – ormandy qalpyna keltirý jobasyn iske asyrý máselesi boıynsha tusaýkeserler usyndy.
Jeke qabyldaýdyń ózge qatysýshylary kádege jaratý tólemin engizý, ekologıa salasyndaǵy ózekti máseleler men sheshimder, sońǵy jyldary kún elektr stansıalary sanynyń ulǵaıýy jáne olardy qaıta óńdeý salasy, elektromobılderdiń akýmýlátorlaryn qaıta óńdeý jáne t. b. máselelerdi talqylady.
Mundaı kezdesýler júıeli túrde ótedi. Barlyq ótinish bildirýshilerge tolyq jaýaptar, túsiniktemeler men usynystar berildi.