Qazaqstan Respýblıkasy - demokratıalyq memleket. Tarıh ǵylymdarynyń doktory, profesor Hangeldi Ábjanov egemendik týraly mańyzdy qujat qabyldaý kezinde ulttyq sıpatty saqtap qalý mindeti turǵanyn aıtty, dep habarlaıdy almaty-akshamy.kz Almaty.tv-ge silteme jasap.
- 1985 jyly Keńester odaǵynda "qaıta qurý" degen naýqan bastaldy. Baltyq boıyndaǵy respýblıkalar egemendik deklarasıasyn qabyldady. Osynyń barlyǵyn kórip otyrǵan Qazaqstan bıligi de mańyzdy qujatty qabyldaýǵa bel býdy. 90-shy jyldyń kókteminen deklarasıany daıarlaý bastaldy. Qazan aıynyń 15 -16 kúnderi qujattyń eki nusqasy talqyǵa tústi. Onyń birin Joǵarǵy keńes, ekinshi nusqany Demokratıalyq Qazaqstan qozǵalysy usyndy. 25-shi qazanda talqylaý bastaldy. Ol jınalys 6 saǵatqa sozyldy. Basty ýáj Ulttyq memleket degende ne aıtamyz ? Anglıa, Fransıa mysalǵa keltirildi. Bári demokratıalyq memleket. Biraq ulttyq sıpatyn saqtap otyr. Keshki saǵat 19.00 qujat qabyldady. Onyń 17 pýnkty, 1 prıambýlasy bar. Burynǵy deklarasıamen salystyrǵanda bul deklarasıany qabyldaǵan Qazaqstannyń jermen kókteı aıyrmashylyǵy boldy, - dedi tarıh ǵylymdarynyń doktory, profesor Hangeldi Ábjanov