14-15 jeltoqsan aralyǵynda Túrkıanyń Stambýl qalasynda dzúdo erejelerine ózgeris engizý boıynsha tehnıkalyq semınar ótti, dep habarlaıdy aqshamnews.kz
Halyqaralyq dzúdo federasıasy (IJF) jańa olımpıadalyq maýsymǵa arnalǵan erejelerdiń jańartylǵan nusqasyn jarıalady. olympic.kz saıtynyń habarlaýynsha dzúdoda mynadaı jańa erejeler bekitildi: «Iýko» upaı:
5-9 sekýnd ustap turý úshin beriledi.
Sondaı-aq, qarsylas búkil arqasyna emes, tek jambasqa, búıirge nemese jaýyrynǵa (90 gradýs buryshpen) túsken jaǵdaıda berilýi múmkin. «Hansoký make» joıyldy:
Shabýyl nemese qorǵanys kezinde qarsylastyń basyn paıdalanǵany úshin eresekter jazalanbaıdy.
Biraq 18 jasqa deıingi sportshylar úshin bul «shıdo» retinde esepteledi.
Belden tómen ustap shabýyl jasaý:
Dzúdogıdi jambas deńgeıine deıingi ishki betten ustaýǵa ruqsat etilgen.
Alaıda, qarsylastyń shabýylyn qaıtarý kezinde mundaı áreketter jazalanady.
Aıaq pen shalbardy ustaýǵa burynǵydaı tyıym salynǵan. Jańa ruqsattar:
Turysta jáne ne-vazada jeńniń ishki jaǵynan ustaý múmkindigi.
«Aıýsha ustaý» (qoldardy qulyptamaý shartymen).
«Revers seoı-nage» tehnıkasy.
Tatamıden tys áreketter:
Eger dzúdoshy kezdeısoq kilemnen shyǵyp ketse, «shıdo» berilmeıdi.
Shabýyl jasaýǵa ruqsat etiledi, eger sportshynyń bir aıaǵy jumys aımaǵynda bolsa.
«Shıdo» tek ádeıi shyǵý nemese qarsylasyn aıqyn ıterip jiberý kezinde beriledi. Shabýylǵa daıyndyq ýaqyty:
Endi shabýyl jasaýǵa 30 sekýnd beriledi.
Parterdegi áreketter:
Tóreshiler parterdegi kez kelgen belsendi áreketti eskeredi.