Djennıfer Lopestiń komandasynda óner kórsetetin amerıkalyq ánshi Sheron (@sharonyoungblood) Almatyǵa gastróldik týr aıasynda kelip, elge degen jyly lebizin bildirdi, dep habarlaıdy Aqshamnews.kz.
Ol áleýmettik jelide ulttyq naqyshtaǵy kók qaptamadaǵy «Kazakhstan» qara shokoladynyń sýretin jarıalap:
"Mundaıdy qaıdan tabamyn? Ómirimdegi eń dámdi qara shokolad!"dep jazǵan.
Bul jazba áleýmettik jelide tez tarady. Almaty turǵyndary ánshiniń vıdeosyn jarysa bólisip, pikir qaldyrdy. Kóp uzamaı qonaq úı qyzmetkerleri onyń nómirine otandyq óndirýshiden kelgen táttilerdiń qomaqty qoryn jetkizip berdi.
"Qazaqstan, sizderdiń qonaqjaılylyqtaryńyz – keremet", — dep alǵysyn bildirgen Sheron dostaryn da osy táttimen qýantatynyn aıtty.
Buǵan deıin ol Qazaqstanǵa ekinshi ret kelip otyrǵanyn jáne ár saparynda eldi jańa qyrynan tanyp jatqanyn jetkizgen.
"Qazaqstan – ǵajaıyp. Búgin biz Almatydamyz, myna kóriniske qarańyzdarshy! Mindetti túrde otbasymdy ertip, demalysqa qaıtyp kelemin", — dedi Sheron.
Aıta keteıik, 10 tamyz kúni Almatyda Djennıfer Lopestiń konserti ótedi. Qazirgi tańda sahna qurastyrylyp, daıyndyq qyzý júrip jatyr.