Bul jobaǵa aýdandyq mańyzy bar qalalar da qosylady.
Senattyń jalpy otyrysynda Qazaqstannyń Premer-Mınıstriniń birinshi orynbasary Roman Sklár aýylǵa baratyn jas mamandarǵa beriletin nesıe somasy ósetinin aıtty, dep habarlaıdy Almaty-akshamy.kz QazAqparatqa silteme jasap.
«Dıplommen - aýylǵa» jobasy da jalǵasyp keledi. Birinshiden, aýylǵa baratyn jas mamandarǵa úı alýǵa nemese jańadan úı salýǵa beriletin nesıe somasyn ósiremiz dep josparlap otyrmyz. Ol qazir 1 500 aılyq eseptik kórsetkishke teń. Endi aýdan ortalyǵyna 2 500 AEK-ke deıin, aýyldar men kentter úshin 2 000 AEK-ke deıin asyrmaqpyz. Ekinshiden, shekaraǵa jaqyn aýyldarǵa baratyn jas mamandarǵa kóterme járdemaqy bar. Qazir ol 100 AEK bolsa, sony 200 AEK-ke deıin ósiremiz», - dedi Roman Sklár.
Onyń aıtýynsha, bul jobaǵa aýdandyq mańyzy bar qalalar da qosylady.
Budan buryn habarlanǵandaı, Roman Sklár «Aýyl – El besigi» jobasyn iske asyrý barysy jaıynda aıtty.