Tolassyz jaýyn-shashyn bolady.
Sınoptıkter 9-11 qarasha kúnderi aýa raıy qandaı bolatynyn aıtty, dep habarlaıdy Almaty-akshamy.kz
"Qazgıdromet" RMK usynǵan málimet boıynsha, atlantıkalyq sıklonnyń áserinen aldaǵy kúnderi Qazaqstannyń basym bóliginde jaýyn-shashyn bolady. Sınoptıkterdiń aıtýynsha, aldyńǵy qarasha aılaryna qaraǵanda, kún aıtarlyqtaı jyly bolady.
"Batystan shyǵysqa aýysatyn sıklon óz jolynda qatty jaýyn-shashyn ákeledi: jaýyn-shashyn túnde jańbyr men qar túrinde, kúndiz negizinen jańbyr túrinde jaýady. 11 qarashada soltústik-batysta, 12 qarashada ońtústikte, 13 qarashada ońtústik-shyǵysta, respýblıkanyń ońtústigi men ońtústik-shyǵysyndaǵy taýly aımaqtarda qatty jaýyn-shashyn (jańbyr men qar) jaýady dep boljandy. 12 qarashadan bastap antısıklon silemi batysqa qaraı taraı bastaıdy, osyǵan baılanysty jaýyn-shashyn toqtap, kúndiz aýa temperatýrasy +8+18°S deıin kóteriledi", delingen "Qazgıdromet" RMK-niń aqparatynda.
Sınoptıkterdiń aıtýynsha, túnde jáne tańerteń respýblıka boıynsha jel kúsheıip, tuman túsedi.