Respýblıka aýmaǵynyń basym bóliginde áli de turaqsyz aýa raıy saqtalady.
«Qazgıdromet» mamandary 23-25 shildesine arnalǵan aýa raıy boljamyn aıtty, dep habarlaıdy Almaty-akshamy.kz.
Respýblıka aýmaǵynyń basym bóliginde áli de turaqsyz aýa raıy saqtalady, jańbyr jaýady. 25 shildede eldiń soltústik-batysynda qatty jańbyr jaýyp, naızaǵaı, daýyl, burshaq kútiledi.
«Elimizdiń ońtústik-shyǵysynda ǵana kezeń boıy jaýyn-shashynsyz aýa raıy bolmaq. Qazaqstannyń ońtústiginde shańdy daýyl boljanady», - delingen sınoptıkterdiń boljamynda.
Kúndizgi ýaqytta respýblıkanyń batys jartysynda aýa temperatýrasy +27 +42°S-tan +23 +35°S-qa deıin tómendeıdi. Al aýa temperatýrasynyń azdap kóterilýi eldiń soltústik-batys, ortalyq óńirlerinde kútiledi: munda termometrler + 25 +38°S belgisine jetedi, respýblıkanyń soltústiginde, shyǵysynda bolsa temperatýralyq fon +22 +30°S-qa, ońtústiginde, ońtústik-shyǵysynda +34 + 46°S deıin óte qatty ystyq saqtalady.