Byltyr bul kórsetkish 33 myńnyń aınalasynda bolǵan.
Jańadan salynyp, paıdalanýǵa berilip jatqan mektepter oryn tapshylyǵy máselesin sheshe alar emes. Sebebi jyl saıyn oqýshylar sany 14 myńǵa deıin kóbeıedi, dep habarlaıdy Almaty-akshamy.kz «Habar 24» saıtyna silteme jasap.
Megapolıste osy jyldyń sońyna deıin 18 bilim mekemesi paıdalanýǵa beriledi. Mamandardyń aıtýynsha, Almaty qalasy - tabıǵı ósim boıynsha da, kóshi-qon boıynsha da halyq sanynyń ósý qarqyny joǵary óńirlerdiń biri.
«Sondyqtan osyndaı jaǵdaı qalyptasyp otyr», – deıdi mamandar. Shaharda balabaqsha máselesi de ózekti. Qalada barlyǵy 75 myń 500-den asa balany qamtıtyn 866 mektepke deıingi uıym bar. Onyń 200-ge jýyǵy memlekettik, qalǵany túgeldeı jekemenshik. Biraq osynyń ózi azdyq etedi.
"Qazirgi tańda Almaty qalasynyń 30 jylǵa deıingi damý jospary bar. Qazirgi tańda birinshi qyrkúıekte 3 memlekettik mektep ashylýǵa daıyn tur. Ol "Qalqaman", "Saıaly", "Tomırıs" yqshamaýdandarynda úsh memlekettik mektep ashylýǵa daıyn tur. Almaty qalasynda jáne Alataý aýdanynda taǵy 5 mektep salynýda. Almaty qalasynda kishkentaı balalardyń sany jyl saıyn 8-9 myńǵa kóbeıip otyr. Almaty qalasynda 6-7 myń oryn ashyp otyrmyz. Burynnan kele jatqan aýdandarda balabaqsha salatyn jer joq. Balabaqshalardy kóbine syrt jaqtan salyp jatyrmyz", - deıdi qalalyq bilim basqarmasynyń mektepke deıingi tárbıe bóliminiń basshysy Álıa Saǵıeva.