Pandemıany jeńetin ýaqyt týraly aıtyldy
Dúnıejúzilik densaýlyq saqtaý uıymynyń basshysy Tedros Adhanom Gebreıesýs adamzattyń koronavırýsty jeńetin barlyq múmkindigi bar ekenin, alaıda álem bul múmkindikterdi tıisti deńgeıde qoldanbaı otyrǵanyn aıtty, dep habarlaıdy Almaty-akshamy.kz 24.kz-ke silteme jasap.
«Álem pandemıany toqtatýǵa naqty sheshim qabyldaǵan kezde, ol aıaqtalady. Bul bizdiń qolymyzda», – dedi DDSU basshysy.
Sonymen qatar, ol álem pandemıany jeńý úshin barlyq quraldy paıdalanbaı otyrǵanyn aıtty. Gebreıesýs DDSU-nyń 2021 jyldyń aıaǵyna deıin ár elde kem degende 40 paıyz halyqty ımmýndaý maqsatyn eske saldy. Ol vaksınanyń jetkizilýin baqylaıtyn elder men kompanıalar málimdemesi áreketine sáıkes kelgen jaǵdaıda ǵana maqsatqa qoljetkizýge bolatynyn basa aıtty. Uıym basshysy osy kórsetkishke jetken elderdi COVAX halyqaralyq tetigi boıynsha dári-dármekpen qamtamasyz etýge basymdyq berdi. Sonymen qatar Gebreıesýs pandemıany toqtatý úshin vaksınalarǵa zıatkerlik menshik quqyǵyn toqtatý qajet dep sanaıtynyn aıtty.