Janna Asanova 105 saılaý ýchaskesiniń jumys kestesi jaıly túsinik berdi.
Almaty qalasy aýmaqtyq saılaý komısıasynyń tóraıymy Janna Asanova saılaý kúniniń birinshi jartysynda oryn alǵan jaǵdaılarǵa qatysty birqatar suraqtarǵa jaýap berdi, dep habarlaıdy Almaty-akshamy.kz.
105-shi saılaý ýchaskesinde daýys berý tańǵy saǵat 7.00-de bastaldy. Saılaý ýchaskesinde saǵat 6.00-de Ánuran shyrqaldy. Daýys berý saǵat 6.00 men 7.00 aralyǵynda júrgizilgen joq.
«Barlyq saılaý ýchaskelerinde, sonyń ishinde halyqaralyq saılaý ýchaskelerinde de baıqaýshylar bar. Bul ýchaskede daýys berý tańǵy saǵat 6-da bastalsa, bul týraly mindetti túrde biletin edik», - dedi J.Asanova brıfıńte.
ASK №137 saılaý ýchaskesi múmkindigi shekteýli azamattardyń daýys berýine arnalǵan kompútermen jabdyqtalǵanyn habarlady.
Baspasóz máslıhatynda jýrnalıser moderatorǵa óz suraqtaryn qoıdy. Olardy saılaý ýchaskeleri tolyǵymen jabylǵansha jýrnalıser saılaý ýchaskesinde júrýge bola ma, sýretke túsirip, ýchaskeler jabylǵansha reportaj jasaı ala ma degen suraqtar qyzyqtyrdy.
«Jýrnalıser de, baqylaýshylar da jáne senim bildirilgen azamattar da bul quqyqqa ıe. Shekteý tek sheteldik baqylaýshylarǵa qoıylǵan, olar foto-vıdeoǵa túsire almaıdy. Biraq tikeleı efır jáne strımder júrgizýge keńes berilmeıdi, daýys berýdiń qupıa túrde ótetinin umytpaǵan jón. Árkimniń qupıany saqtaý quqyǵy bar. Sonymen birge, adamnyń óziniń sýretiniń BAQ-da qoldanylýyna qatysty quqyǵy bar», - dep túsindirdi J.Asanova.
Almatynyń ASK tóraıymy 121, 128 jáne 225 saılaý ýchaskelerinde AMANAT partıasynyń atynan eki baqylaýshydan bolǵan dep kelip túsken fakt boıynsha túsindirip ótti.
Asanovaǵa joldanǵan suraqtar arasynda "Saılaý ýchaskesi jeke kirý esigimen qamtylý kerek pe?" degen saýal qoıyldy. Onyń aıtýynsha, ondaı talap joq.
«Bizde 3, tipti 4 saılaý ýchaskesi bar mektepter bar, oǵan túsinistikpen qaraý kerek», - dedi Asanova.
Almatylyqtardy tolǵandyrǵan suraqtardyń biri "Daýys berý kabınasyna eki adam kirýge bola ma?" degen saýal boldy.
«Saılaý týraly» zańnyń 41-babyna sáıkes, árbir saılaýshy jeke daýys beredi jáne basqa adamnyń bolýyna tyıym salynady», - dep qorytyndylady J.Asanova.