DSM azamattarǵa dári-dármektiń shekti bólshek saýda baǵasyn baqylaý úshin Dari.kz mobıldik qosymshasyn paıdalanýdy usynady.
Bul ómirlik mańyzdy dári-dármekterge baǵa belgileýdiń qoljetimdiligi men ádildigin qamtamasyz etýge múmkindik beredi, dep habarlaıdy aqshamnews.kz
Dari.kz qalaı jumys isteıdi?
Dari.kz qosymshasynyń kómegimen paıdalanýshylar baǵanyń qymbattaǵany týraly ońaı jáne jyldam habarlaı alady. Bul úshin:
1.Dári-dármektiń túbirtegi men qaptamasynyń sýretin júkteý qajet.
2.Medısınalyq jáne farmasevtıkalyq baqylaý komıtetiniń aýmaqtyq departamentterine avtomatty túrde jiberiletin ótinish jiberý kerek.
Qosymsha sonymen qatar dári-dármekterdi qoldanǵannan keıin paıda bolǵan janama áserler týraly habarlaýǵa múmkindik beredi. Bul dári-dármekterdiń sapasyn baqylaýdy jaqsartýǵa kómektesedi.
Densaýlyq saqtaý mınıstrligi belgilengen shekti bólshek saýda baǵasynan asyp ketkeni úshin aıyppuldar kózdelgenin eske salady.
Ákimshilik quqyq buzýshylyq týraly kodekstiń 426-babynyń 1-bóligine sáıkes mynadaı aıyppuldar kózdelgen:
Jeke tulǵalar: 70 AEK.
Laýazymdy tulǵalar: 100 AEK.
Shaǵyn kásipkerlik sýbektileri: 130 AEK.
Orta kásipkerlik sýbektileri: 200 AEK.
İri kásipkerlik sýbektileri: 1000 AEK.
Dari.kz qosymshasyn tegin júktep alýǵa bolady.