Bul máseledegi qaýipsizdik adamdardyń ózine baılanysty.
"Bizge ujymdyq ımýnıtetti saqtap qalý kerek". Bul týraly Densaýlyq saqtaý vıse-mınıstri — Bas memlekettik sanıtarlyq dárigeri Aıjan Esmaǵambetova málim etti, dep habarlaıdy Almaty-akshamy.kz QazAqparatqa silteme jasap.
«Koronavırýsqa toqtalsaq, bul máseledegi qaýipsizdik adamdardyń ózine baılanysty. Bizge ujymdyq ımýnıtettti saqtap qalý kerek. Ol úshin vaksına saldyrǵan durys nemese ravaksınalaý mańyzdy. Atap aıtqanda, koronavırýs ınfeksıasynyń taralýy jaıynda dál qazir eshbir maman naqty paıymyn aıta almaıdy», - dedi Aıjan Esmaǵambetova.
Osy oraıda ol ınfeksıanyń taralýy ahýalyna baılanysty eki senarı bar ekenin aıtty.
«Iaǵnı koronavırýs mýtasıaǵa ushyrap jatqanyn kórip turmyz. Degenmen vırýs quramy men onyń patogendiginiń tómendeýi jaqsy nyshan. Alaıda vırýstyń áli de mýtasıaǵa ushyrap jatqany bizdi alańdatyp otyr. Bul óz kezeginde vırýsty birjola jeńdik dep senimdi túrde aıtýǵa múmkindik bermeıdi», - dedi Bas memlekettik sanıtarlyq dáriger.
Budan buryn habarlanǵandaı, Qazaqstannyń Densaýlyq saqtaý mınıstrligi Reseımen arada koronavırýstan vaksına pasporttaryn ózara taný týraly kelisimdi bekitýdi qoldap otyr.