Qysta tamaqtanýdyń 40 paıyzy etti quraý kerek
Qys mezgilinde tutynatyn taǵamnyń shamamen 40 paıyzy et bolýy kerek. Ony jumyrtqa nemese balyqpen de almastyrýǵa bolady. Máskeý Densaýlyq saqtaý departamentiniń eresek turǵyndarǵa alǵashqy medısınalyq-sanıtarlyq kómek kórsetý boıynsha shtattan tys bas mamany Andreı Tájelnıkov qysta tutynýǵa qajetti ónim týraly osyndaı keńes aıtty. Bul týraly RIA Novostı jazdy, dep habarlaıdy Almaty-akshamy.kz.
Dárigerdiń aıtýynsha, et tutyný adamǵa qýat beredi, aǵǵzany bulshyqet tininiń joǵalýynan jáne juqpaly aýrýlardan qorǵaıdy.
«Adam aǵzasyna klımattyq jaǵdaılardyń ózgerýin jeńýge kómektesý úshin aqýyzdar, maılar, kómirsýlar, dárýmender, mıneraldar men talshyqtardy quraıtyn teńdestirilgen tamaqtanýdy ustaný qajet. Qysqy taǵamdar toıymdy jáne joǵary kalorıaly bolýy kerek», - deıdi Tájelnıkov.
Ol mundaı rasıon kún sáýlesi men jylýdyń jetispeýshiligimen, sondaı-aq vırýstar men bakterıalarǵa qarsy turý qajettiligimen baılanysty ekenin túsindirdi.