Áleýmettik medısınalyq saqtandyrý qory Nur-Sultan qalasy fılıalynyń baspasóz qyzmeti taratqan málimetke sáıkes, PTR-synamany barlyq adam tegin tapsyra alady, dep habarlaıdy almaty-akshamy.kz
Alaıda keıbir jaǵdaıda ǵana ol múmkin emes.
Eger sýyqtyń, tumaýdyń nemese pnevmonıanyń belgilerin sezseńiz, onda PTR ádisimen koronavırýsqa test tapsyra alasyz. Muny emhananyń súzgi-kabınetine júginý arqyly jasaýǵa bolady. Sondaı-aq basqalarǵa juqtyrý qaýpin tóndirmeý úshin emhananyń tirkeý bólimine nemese anyqtama bólimine qońyraý shalyp, úıge mobıldi top shaqyrýǵa bolady. Bul jaǵdaıda zertteý tegin medısınalyq kómektiń kepildik berilgen kólemi sheńberinde aqysyz júrgiziledi. Óıtkeni bul aınaladaǵylar úshin qaýip tóndiretin ınfeksıalyq aýrý. Ol úshin saqtandyrylǵan bolý mindetti emes.
Odan bólek, PTR-testileý koronavırýs anyqtalǵan pasıentpen baılanysta bolǵan adamdarǵa júrgiziledi. Ony súzgi kabıneti arqyly baılanysýǵa nemese mobıldi topty úıge shaqyrýǵa arqyly júzege asyrýǵa bolady.
Shetelge shyǵýǵa múmkindik alý úshin PTR azamattyń óz esebinen tólenedi. Sondaı-aq, eger teris PTR bar sertıfıkat qandaı da bir uıymǵa nemese jumys ornyna barý úshin talap etilse, onda testileý óz qarajaty esebinen nemese jumys berýshilerdiń kelisimi boıynsha tólenedi.
PTR-test tegin júrgiziletin jaǵdaılar:
• medısınalyq kórsetkishter boıynsha fıltr kabınetine júgingen kezde JRVI jáne vırýstyq pnevmonıa belgileri bolǵan kezde;
• koronavırýstyq ınfeksıaǵa kúdikti naýqas úshin mobıldi topty úıge shaqyrǵan kezde;
• jedel test nátıjesi oń bolǵan jaǵdaıda stasıonarǵa shuǵyl emdeýge jatqyzý kezinde;
• josparly emdeýge jatqyzýǵa nemese aýrýhanaǵa deıingi tekserýge jiberý kezinde;
• júkti áıelderge 37 aptadan bastap bosanýǵa emdeýge jatqyzý úshin;
• gemodıalızdegi pasıentterge tegin jasalady.