Koronavırýs ınfeksıasynyń dúnıe júzine taralyp, álemdik ekonomıkaǵa kesirin tıgizip otyrǵanyn álemdik BAQ jarysa jazyp jatyr.
Dál qazir vırýstyń taralýy men vaksına alý qarqyny jónindegi álemdik aqparat ta kún saıyn jańaryp otyr, dep habarlaıdy Almaty-akshamy.kz
COVID-19 taralýyna jol bermeý jónindegi VAK telegram kanaly álemdegi epıdahýalǵa sholý jasaıdy.
Reseıdiń mádenı astanasynda ekonomıkanyń kóptegen salalarynda mindetti vaksınalaý engizildi. Qyzmetkerler men tutynýshylar arasyndaǵy baılanys qarqyndylyǵy joǵary salalarda eńbek etetin jeke tulǵalardyń keminde 80%-na mindetti vaksınasıa talaby engizildi.
Táýligine 10,7 myń adam - Japonıa COVID-19 vırýsynyń taralýy boıynsha jańa antırekord ornatty. Bul - búkil pandemıa kezeńindegi eń joǵary kórsetkish. Tokıoda 3,3 myń jaǵdaı tirkeldi. Japonıa astanasy vırýs juqtyrǵandar sany boıynsha rekord jańartty, eldiń bas shaharynda bir kún buryn 2 848 jaǵdaı tirkelgen bolatyn.
Eýroodaq shekarasynan ótý úshin PTR test qajet. Mundaı talap Germanıaǵa kelgen jolaýshylarǵa qoıylyp otyr. 1 tamyzdan bastap Germanıaǵa kez kelgen kólik túrimen kelgen saıahatshylardyń kópshiligi COVID-19 boıynsha teris nátıjeli test qorytyndysyn usynýy kerek.
AQSH-ta vaksınasıa syıaqysy berilip, ekpe alýdan bas tartqandarǵa qatysty sharalardy qatańdatý qolǵa alyndy. Atap aıtqanda, vaksına almaǵan memlekettik qyzmetshiler úshin shekteýler engiziledi. Aq úı elde vaksınalaýdy jedeldetýdiń jańa sharalaryn jarıalady. Alǵashqy ekpe alǵandarǵa $ 100 dollar tólenedi, al ekpe almaǵan memlekettik qyzmetshiler betperde taǵýǵa mindetteledi.
Ózbekstan óz azamattaryn COVID-19-ǵa qarsy Moderna óndirgen vaksınamen qamtamasyz etedi. Búgin tańerteń AQSH-tan arnaıy reıspen Tashkentke jańa tıptegi koronavırýsqa qarsy vaksınanyń 3 mıllıonnan astam dozasy jetkizildi. AQSH preparatty Dúnıejúzilik densaýlyq saqtaý uıymynyń DDU/COVAX baǵdarlamasy aıasynda jóneltti. Ózbekstanda 1,15 mıllıon adam vaksınasıanyń tolyq kýrsynan ótti.
Ýkraına COVID-19 «delta» shtamyna qarsy turý úshin shekaradan ótý erejelerin qatańdatty. Sońǵy eki aptada Reseıde nemese Úndistanda bolǵan vaksına almaǵan jolaýshylar 14 kúndik karantınge oqshaýlanady. Qazirgi ýaqytta Ýkraınada 2 250 907 turǵyn vırýs juqtyrǵan, 52 916 adam qaıtys boldy. Aqpan aıynan bastap elde 5 225 458 turǵynǵa ekpe salyndy, 1 874 958 adam eki dozamen vaksınalandy.