Qaladaǵy samokattardyń kesirinen qaıǵyly oqıǵalar kóp bolyp jatyr. Atalǵan máseleni azamattar áleýmettik jelige de jazyp júr. Bul naǵyz bas qatyrarlyq problemaǵa aınalǵan. Sonda olarǵa zańdyq shekteýler qoıylmaı ma?
Bul suraqtyń jaýabyn Almaty qalasy Polısıa departamentiniń basshysy Qanat Taımerdenov berdi, dep habarlaıdy Almaty-akshamy.kz.
«Muny bir ǵana Almatynyń máselesi emes, respýblıkalyq deńgeıdegi túıtkil dep qarastyrǵan jón. Samokatty ártúrli jastaǵylar qoldanady. Jyldamdyqtary da baıaý emes. Olar belgilengen jerden, jaıaý júrginshiler ótkelimen júrýi kerek, alaıda kóbine olaı emes. Sońǵy 5 aıda samokatshylardyń qatysýymen 29 jol-kólik oqıǵasy tirkeldi. Eki bala zardap shekti. Taıaý arada sheteldik tájirıbeni eskere otyryp, osy máseleniń sheshimin ákimdikpen birlesip tabýdy kózdep otyrmyz», – dedi Qanat Taımerdenov.