Ol – «Spýtnık V» vaksınasyn saldyrǵan Zaǵısha Shalova esimdi Batyr ana.
№36 qalalyq emhanada 99 jastaǵy ájeı koronavırýsqa qarsy vaksına aldy, dep habarlaıdy Almaty-akshamy.kz.
Zaǵısha Shalova –12 balanyń anasy, 15 nemereniń ájesi.
«Bul - meniń jeke sheshimim, osy indet meni jáne týystarymdy aınalyp ótse deımin. Balalarymnyń barlyǵy ekpe alyp qoıǵan. Qazir ózimdi jaqsy sezinemin, eshqandaı aýytqýlar bolǵan joq, ózimdi nashar sezingen emespin, ári qaraı da osylaı bolady dep úmittenemin»,- deıdi ájeı.
Vaksına salý bastalǵaly beri Naýryzbaı aýdany boıynsha 27 myń adam ekpe aldy, onyń 40% №36 qalalyq emhanasynda alǵan. Aýdan boıynsha ekpe alǵandardyń arasynda vaksınadan soń eshqandaı asqynýlar oryn almaǵan.
«Turǵyndar arasynda vaksına saldyrǵysy keletinder sany artyp keledi. Ár azamat bekitilgen jerine qaramastan, qaladaǵy qalaǵan emhanada vaksına ala alady. Kúndelikti bizdiń emhanaǵa koronavırýs ınfeksıasynan vaksına alýǵa 150-200 shaqty adam keledi», -dedi №36 qalalyq emhananyń bas dárigeri Gúljaınat Tilegen.
Koronavırýsqa qarsy vaksına alý №36 emhanada demalyssyz, kúndelikti saǵat 08.00-den 20.00-ge deıin júrgiziledi.