BUU Bas Assambleıasy qasıetti kitaptardy qorlaý jónindegi kez-kelgen aktilerdi aıyptaıtyn jáne mundaı áreketterdi halyqaralyq quqyq normalaryn buzý dep tanıtyn qaýly qabyldady.
Marokko bastamashy bolǵan qujatty BUU Bas Assambleıasy biraýyzdan qabyldady, dep habarlaıdy Almaty-akshamy.kz QazAqparatqa silteme jasap.
Qaýlyda atap aıtqanda, «adamdarǵa qatysty barlyq zorlyq-zombylyq aktileri dinı kózqarastary nemese senimderi negizinde, sondaı-aq olardyń dinı rámizderine, qasıetti kitaptaryna, úılerine, kásiporyndaryna, múlkine, mektepterine, mádenı ortalyqtaryna nemese ǵıbadat etý oryndaryna qarsy baǵyttalǵan kez kelgen áreketteri, sondaı-aq dinı oryndarǵa jasalǵan barlyq shabýyl» qatań túrde aıyptalady.
Sondaı-aq qujat avtorlary musylmandardyń qasıetti kitaby – Quranǵa qarsy arandatýshylyqty aıyptaýǵa shaqyryp, olardy «dinı óshpendilik aktileri» dep sıpattady.
25 shildede Kopengagendegi Egıpet jáne Túrkıa elshilikteriniń aldynda Qurandy órteý aksıasy ótken. Dál osyndaı aksıa bir kún buryn Irak elshiliginiń aldynda da ótken. Musylman lıderleri men saıasatkerleri mundaı arandatýshylyqtardyń sóz bostandyǵy týraly zańdarda qamtylmaıtynyn basa aıtty.