Shaıbaly hokeıden álem chempıonatynda top-dıvızıonda Qazaqstan quramasy búgin, 22 mamyrda kezekti oıynyn Germanıaǵa qarsy ótkizedi, dep habarlaıdy Almaty-akshamy.kz Inform.kz-ke silteme jasap.
Kezdesý elorda ýaqytymen 19:20-de bastalyp, «Qazsport» teleranasy arqyly tikeleı efırde kórsetiledi.
Aıta ketsek, álem chempıonaty 13-29 mamyr aralyǵynda Fınlándıanyń Helsınkı jáne Tampere qalalarynda ótedi. Qazaqstan quramasy A tobynda synǵa túsip jatyr. Qarsylastary - Kanada, Slovakıa, Germanıa, Danıa, Shveısarıa, Italıa jáne Fransıa.
Eske salsaq, budan buryn qazaqstandyq hokeıshiler Danıa, Fransıa, Shveısarıa, Kanada jáne Slovakıa quramalarynan jeńildi. Ázirge Qazaqstannyń qorjynynda upaı joq. Týrnır kestesinde kósh sońynda tur. Nebári 12 upaı enshilegen Slovakıa týrnır kestesinde úshinshi orynda keledi.
Eki qurama buǵan deıin 6 márte kezdesti. Onyń 3-ýi Qazaqstannyń jeńisimen aıaqtalsa, qalǵanynda germanıalyq qurama basym tústi. Byltyr álem chempıonatynda qazaqstandyq hokeıshiler atalǵan qarsylasyn 3:2 esebimen tize búktirgen edi.