Kólik alýǵa jeńildikpen nesıe berý baǵdarlamasy boıynsha burynǵy sharttar ózgerissiz qaldy
Búginnen bastap jeńildetilgen nesıe boıynsha kólik alý baǵdarlamasy boıynsha ótinimderdi qabyldaý bastalady, dep habarlaıdy Almaty-akshamy.kz.
Buǵan deıin habarlanǵandaı ótinimderdi qabyldaý Astana ýaqyty boıynsha saǵat 10:00-de www.autonesie.kz resmı saıty arqyly júrgiziledi. Osy oraıda ótinim berý úshin kompúter arqyly elektrondyq sıfrlyq qoltańbany engizip, qosylýǵa bolady. Platformada tek Qazaqstan Respýblıkasynyń aýmaǵynda tirkelýge múmkindik bar.
«Saıtta ótinim bergen kezde, ótinish berýshiniń derekteri avtomatty túrde ESQ arqyly qalyptasady. Ótinish berýshi mindetti túrde telefon nómirin engizip, avtokólik óndirýshi kompanıany tańdap, ótinimge qol qoıady. Ótinimniń tirkelýi barysy saıttaǵy «jeke kabınet» arqyly tekseriledi», - delingen habarlamada.
Kólik alýǵa jeńildikpen nesıe berý baǵdarlamasy boıynsha burynǵy sharttar ózgerissiz qaldy:
- bir avtokóliktiń quny 15 mln teńgeden aspaıdy;
- qarjylandyrý somasy 10 mln teńgeden artyq emes;
- qarjylandyrý merzimi 7 jyldan aspaıdy;
- bastapqy jarna - 0 paıyz.
Kólik alýǵa jeńildikpen nesıe berý baǵdarlamasyna «SaryarqaAvtoProm» JSHS men «Hyundai Trans Kazakhstan» JSHS qatysady. Jeńildetilgen nesıe alatyn adamnyń ótinimi maquldansa, bul kompanıalar 60 kúnniń ishinde avtokólikti jetkizýi tıis.
Jalpy, avtokólik pen nesıeni berýdiń tolyq rásimin 60 kúnniń ishinde aıaqtaý kerek.
Qazaqstandyqtardyń ótinimderi úsh sebep boıynsha qabyldanbaýy múmkin.
Birinshiden, osyǵan deıin baǵdarlama aıasynda nesıe alsa, bul adamnyń ótinimi qabyldanbaıdy.
Ekinshiden, platformada osy adamnyń ótinimi buǵan deıin engizilip, qarastyrý kezeńinen ótip jatsa, jańa ótinimdi qosý múmkindigi bolmaıdy.
Úshinshiden, baǵdarlamaǵa qatysyp jatqan bankte qarajat lımıti taýsylsa, ótinim qabyldanbaıdy.
Ótinimdi tekserýge tıisti ýaqyt kerek bolady. Osydan keıin saıttaǵy «jeke kabınette» ótinim maquldanyp, baǵdarlamaǵa qatysatyndar pýlyna adamnyń qosylǵany týraly habarlama keledi.