Almatyda osy juma kúni saǵat 11:00-de josparly jalpyqalalyq seısmıkalyq oqý-jattyǵý ótedi. Ol jylyna bir ret ótkiziledi, dep habarlaıdy Almaty-akshamy.kz TJD-ne silteme jasap.
Toqsan saıyn qala mekemelerinde seısmıkalyq jattyǵýlar uıymdastyrylsa, bıyldyń ózinde 3,5 myńnan astam seısmıkalyq oqý-jattyǵýlar ótkizildi.
Seısmıkalyq oqý-jattyǵý kúni tele jáne radıoarnalar sırenalyq qondyrǵylardy paıdalaný arqyly qalalyq eskertý júıesi iske qosylady, «DARMEN» mobıldi qosymshasy arqyly push-habarlamalar jiberiledi.
Barlyq bilim berý, densaýlyq saqtaý nysany jáne kisi aıaǵy úzilmeıtin (SOO, SO, SÚ) jerlerde evakýasıalaý úshin oqý elementteri ázirlenedi, onda TJD qyzmetkerleri ádistemelik kómek kórsetedi jáne «Jer silkinisi kezindegi 10 qarapaıym qadam» atty jadynama taratylady.
Seısmıkalyq oqý-jattyǵýdyń negizgi maqsaty – qala turǵyndarynyń tótenshe jaǵdaı kezindegi is-qımyldarǵa daıyndyq deńgeıin arttyrý, turǵyndar evakýasıalaý joldaryn, qaýipsiz jerlerdi aldyn ala anyqtap, apattyq chemodandaryn daıyndaý.
