Laýazymdy tulǵalarǵa 3 aıyppul salyndy.
Medısınalyq qaldyqtarǵa qoıylatyn sanıtarlyq-epıdemıologıalyq talaptardy buzǵany úshin Almaty jáne Jetisý oblystarynyń densaýlyq saqtaý obektilerine 14 mln teńgege aıyppul salyndy, dep habarlaıdy Almaty-akshamy.kz QazAqparatqa silteme jasap.
«Almaty oblysynyń sanıtarlyq qyzmeti densaýlyq saqtaý obektilerinde qaldyqtardy jınaýǵa, zalalsyzdandyrýǵa jáne saqtaýǵa qoıylatyn sanıtarlyq-epıdemıologıalyq talaptardyń buzylýyna baılanysty jalpy somasy 14 mln teńgege 74 aıyppul saldy. Onyń ishinde medısınalyq qaldyqtardy jınaý, saqtaý jáne esepke alý merzimderi boıynsha zań buzǵan jeke tulǵalarǵa 69 aıyppul, laýazymdy tulǵalarǵa 3 aıyppul jáne medısınalyq qaldyqtardy ýaqytsha saqtaý úı-jaıyn jaraqtandyrý jáne jabdyqtaý jónindegi normalardy saqtamaǵany úshin zańdy tulǵalarǵa 2 aıyppul salyndy»,- delingen Almaty oblystyq sanıtarıalyq-epıdemıologıalyq baqylaý departamenti baspasóz qyzmetiniń habarlamasynda.
Vedomstvonyń aqparatyna sáıkes, medısınalyq qaldyqtardy jınaýǵa, zalalsyzdandyrýǵa jáne saqtaýǵa qoıylatyn sanıtarlyq talaptardyń saqtalýy oblystyq SEBD turaqty nazarynda.
Búgingi tańda departamentiniń baqylaýynda 1793 medısınalyq uıym bar.
Medısınalyq uıymdardyń árbir qurylymdyq bólimshesinde medısınalyq qaldyqtarmen jumys isteý sqemasy ázirlenip, medısınalyq qaldyqtardy jınaý jáne ýaqytsha saqtaý úshin jaýapty tulǵalar bekitilgen.
Medısınalyq qaldyqtar arnaıy bir ret qoldanylatyn polıetılen paketterge jáne qaqpaǵy tyǵyz jabylatyn ydystarǵa jınalady. Olar medısınalyq qaldyqtardyń klasyna baılanysty belgilenedi.
Bekitilgen kestege sáıkes mamandandyrylǵan uıymdarmen jasalǵan kelisimshart negizinde shyǵarylyp, joıylady.
Bul mekemelerde qaldyqtardy durys joıýǵa arnalǵan peshter men jabdyqtar bar.
Departamenttiń aýmaqtyq basqarmalarynyń baqylaýynda medısınalyq qaldyqtardy joıýmen aınalysatyn 14 uıym bar.
Onyń bireýi óńdeý qýaty saǵatyna 120 kılogramnan astam bolǵandyqtan, epıdemıalyq mańyzy joǵary, qalǵan 13-i epıdemıalyq mańyzy bolmashy obektiler sanalady.
Jyl basynan beri medısınalyq qaldyqtardyń «A» synybynyń qaldyqtary – 5721, 906 tonna, «B» synybyndaǵy epıdemıologıalyq qaýipti qaldyqtar – 18620,075 tonna, «V» synybynyń epıdemıologıalyq asa qaýipti qaldyqtar – 3360,991 tonna, «G» synybyndaǵy toksıkologıalyq medısınalyq qaldyqtardan – 3616 dana shyǵaryldy.
Olar - bakterısıdtik, lúmınesentti, quramynda synap bar, jaryq dıodty shamdar, termometrler, gıgrometrler jáne rentgen plenkalary.