Bul týraly Almaty ákimi Erbolat Dosaev aýdan turǵyndarymen kezdesýde aıtty.
Aýdan turǵyndaryna komýnaldyq qyzmet kórsetý sapasy jaqsarady, dep habarlaıdy Almaty-akshamy.kz
Qala basshysynyń aıtýynsha, 25 km ınjenerlik jeli jańartylady. 6 km-den astam sý qubyry jelisi men 0,9 km jylý trassasy rekonstrýksıalanady, 16,5 km joǵary vóltty elektr kabel jelisi men 1,5 km jerasty gaz qubyry jóndeledi. Osy jyldyń maýsym aıynan bastap 2024 jyldyń sáýirine deıin aýdanǵa qosylǵan aýmaqtardaǵy 47,2 km elektr jelisi jańartylady. Bul 150 myńǵa jýyq turǵyndy sapaly sýmen jáne jylýmen qamtamasyz etýge múmkindik beredi.
Sonymen qatar, ákim turǵyndardyń ashýyn týdyrǵan qyzmet kórsetýshi boıynsha ákimdik júrgizgen jumysty atap ótti.
«Elektrmen jabdyqtaý, sýmen qamtý jáne sý burý qyzmetterin sapasyz kórsetýge qatysty aıtsam, «Ermensaı» shaǵynaýdanynyń turǵyndaryna «Gorodskoe predprıatıe vodosnabjenıa Vodsnab» JSHS-niń (burynǵy «Orhan» JSHS) uzyndyǵy 4,2 km elektr jelisin qalanyń balansyna óteýsiz berý týraly sheshim qabyldandy. Kompanıaǵa ózine 120 mln teńge aıyppul salyndy», - dedi ákim Erbolat Dosaev.