Medısınalyq mekemelerge túsetin júktemeni azaıtý maqsatynda bıyl 5 densaýlyq saqtaý obektisin salý, rekonstrýksıalaý jáne kúrdeli jóndeý josparlanyp otyr. Bul týraly Almaty ákimi Erbolat Dosaev Bostandyq aýdany turǵyndarymen kezdesýde aıtty.
Onyń ishinde, árqaısysy 500 oryndyq 2 jańa emhana salý kózdelgen. Ál-Farabı dańǵyly men Syrǵabekov kóshesiniń qıylysyndaǵy birinshi emhana úshin jobalaý-smetalyq qujattama ázirleý osy jyldyń aqpan aıynda bastaldy. Memlekettik saraptamany jyl sońyna deıin alý kútilýde.
Ekinshi emhana Gagarın dańǵyly men Levıtan kóshesiniń qıylysynda ornalasady. Jobalaý-smetalyq qujattama naýryz aıynda bastaldy. №4 jáne №12 emhanalar kúrdeli jóndeýden ótedi. Qurylys-montajdaý jumystary 2023 jyldyń qazan aıynda bastalady 500 oryndyq qalalyq ortalyq klınıkalyq aýrýhananyń jańa korpýsyn salý josparlanýda. Qurylys-montajdaý jumystaryn oryndaý 2024 jyldyń II toqsanyna josparlanǵan.