Qujat 28 sáýirge deıin eGov.kz elektron úkimet portaly arqyly onlaın qabyldanady.
Qazaqstanda «Bolashaq» stıpendıalyq baǵdarlamasy aıasynda konkýrsqa qatysýǵa ótinim qabyldaýdyń ekinshi legi bastaldy, dep habarlaıdy Almaty-akshamy.kz
2023 jyly «Bolashaq» baǵdarlamasy aıasynda bilim alýǵa 555 stıpendıa bólindi. Onyń ishinde magıstratýra jáne rezıdentýra baǵdarlamalaryna 395 stıpendıa, doktorantýraǵa 50 stıpendıa, taǵylymdamadan ótý úshin 110 stıpendıa bólindi.
Basym mamandyqtar tizimine 262 mamandyq kirdi. Úmitkerler robototehnıka, servıstik platformalardy ázirleý, jasyl tehnologıalar, qoǵamdyq densaýlyq saqtaý, ınklúzıvti bilim berý jáne t.b. syndy eńbek naryǵynda ózekti mamandyqtar boıynsha shetelde daıyndyqtan ótedi.
«Injenerlik-tehnıkalyq jáne medısınalyq kadrlarǵa arnalǵan kvotalar bekitildi. Endi olar aldymen merzimi 12 aıǵa deıingi tildik daıyndyqtan ótip, sheteldik joǵary oqý ornyna jeńildetilgen sharttarmen túse alady. Olarǵa shaqyrtý tapsyrý talaby qoıylmaıdy. Bul atalǵan baǵyttar boıynsha túsetinder úshin múmkindikterdi keńeıtedi. Sonymen qatar bıyl úmitkerlerge qoıylatyn talaptar kúsheıtildi. Endi doktoratýraǵa túsetinderdi qospaǵanda, kandıdattardyń barlyǵy shet tili boıynsha sertıfıkat tapsyrýǵa mindetti", - dedi "Halyqaralyq baǵdarlamalar ortalyǵy" AQ basqarma tóraǵasy Oljas Sákenov.
Bıylǵy taǵy bir jańalyq - baǵdarlama aıasynda oqytýdy qosa qarjylandyrý bekitildi. Sheteldik JOO-nyń grantyn utyp alǵan úmitkerlerdiń "Bolashaq" sheńberinde qosymsha qarjylandyrýdy alýǵa múmkindigi bar. Mundaı stıpendıattar úshin eńbek ótili 1 jylǵa qysqardy.
Eske sala keteıik, bıyl alǵashqy leginde Shetelde kadrlar daıarlaý jónindegi respýblıkalyq komısıanyń sheshimimen "Bolashaq" stıpendıasy 25 qazaqstandyqqa taǵaıyndaldy.
Jyl sońyna deıin ótinimderdi qabyldaýdyń taǵy eki legi ótedi: 5 maýsym men 7 shilde aralyǵynda, sonymen qatar 17 shilde men 15 qyrkúıek aralyǵynda.