Klýb barmeniniń qylmystyq áreketi ótken jyly áshkerelengen, dep habarlaıdy Almaty-akshamy.kz Polisia.kz-ke silteme jasap.
«Mefedron jetkizý arnasyn anyqtaý is-sharasy nátıjesinde bizdiń bólimshe qyzmetkerleriniń nazaryna qaladaǵy oıyn-saýyq mekemeleriniń biriniń barmeni tústi. Onyń jumys ornynda – túngi klýbtyń bar kasasynda mefedron satýdy uıymdastyrǵany anyqtaldy. Kúdikti esirtki satý kezinde qolǵa tústi. Bardy jáne jeke tintý kezinde odan satýǵa daıyndalǵan, ishinde mefedron baılamdary bar temekiniń eki qoraby tárkilendi. Tergeý sharalary ustalǵan azamatsha turǵan úıde jalǵasty. Kúdiktiniń qurbysy esirtkiden qutylǵysy keldi, biraq bul oıy júzege aspaı qaldy. Satýǵa daıyndalǵan 20 doza mefedronnan bólek, elektrondy tarazy, qaptama materıaly jáne esirtki zaty bar 3 baılam tabyldy», – dedi Almaty qalalyq PD esirtki qylmysyna qarsy kúres basqarmasynyń bastyǵy Erlan Álmaǵambetov.
Almaty qalasynyń qylmystyq ister jónindegi mamandandyrylǵan aýdanaralyq sotynyń qaýlysymen V. esimdi azamatsha, QR QK-niń 297-baby 3-bóliginiń 3,6-tarmaǵynda kózdelgen qylmystyq quqyqbuzýshylyqty jasaǵany úshin kináli dep tanyldy. Qaýipsizdigi ortasha qylmystyq-atqarý júıesi mekemesinde óteýimen 10 jylǵa bas bostandyǵynan aıyryldy.