Statısıka departamenti megapolıs turǵyndaryn sanaq naýqanyna túsinistikpen qaraýǵa shaqyrdy.
2 maýsym kúni Almaty qalasy boıynsha Statısıka departamentiniń basshysy Aıdar Ábildabekov Halyq sanaǵynyń tártibin jáne sanaqqa 2 myńnan astam ıntervúer qajettigi týraly málimdedi, dep habarlaıdy Almty-akshamy.kz.
Óńirlik komýnıkasıalar qyzmetinde ótken brıfıńte Almaty qalasy boıynsha Statısıka departamentiniń basshysy Aıdar Ábildabekov 2021 jylǵy sanaq naýqany týraly aıtyp berdi.
«Sanaq paraqtaryna engizilgen suraqtar tizbesi ótken sanaqqa qaraǵanda keńeıtilip,67 negizgi suraq pen 20 janama suraqtan turady. Suraqtar Eýropalyq statısterdiń usynystaryna sáıkes jasaldy», - dedi Aıdar Ábildabekov.
Halyq sanaǵyn ótkizýge bilim deńgeıine qaramastan Qazaqstan Respýblıkasynyń kez kelgen nıet bildirgen azamaty qatysa alady.
Statısıka departamenti sanaq qyzmetkerlerin tolyq emes jumysqa qabyldaýǵa daıyn. Nıet bildirýshiler Abaı kóshesi, 125 mekenjaıy boıynsha kadr qyzmetine júgine alady.
«Ázirge biz bastapqy sanaq qyzmetkerlerin tańdadyq. Qazan aıynda bizge 2 myńnan astam ıntervúer qajet bolady, sondaı-aq bizge rezervshiler qajet. Barlyq tartylǵan sanaq qyzmetkerleri Almaty qalasynyń qoǵamdyq kólikterinde tegin jol júrýmen qamtamasyz etiledi», - dedi Aıdar Ábildabekov.
Aıta keteıik, Almaty qalasy boıynsha Statısıka departamenti megapolıs turǵyndaryn sanaq naýqanyna túsinistikpen qaraýǵa shaqyrdy. Yńǵaıly bolý úshin sanaq paraqtaryn onlaın rejımde toltyrýǵa bolady.