29 maýsym kúni Almaty qalasy óńirlik komýnıkasıalar qyzmetiniń alańynda «Halyqtyń búdjetke qatysýy» jobasyna qala turǵyndarynyń qatysý máseleleri týraly baspasóz konferensıasy ótti, dep habarlaıdy Almaty-akshamy.kz.
İs-sharanyń spıkerleri – Almaty qalasy qarjy basqarmasy basshysynyń mindetin atqarýshy Altynaı Tóleýtaeva jáne «Almaty qalasyn damytý ortalyǵy» AQ basqarýshy dırektory Aıda Mustafınova.
2019 jyly Almaty ákimdigi Qazaqstanda alǵash ret «Halyqtyń búdjetke qatysýy» pılottyq jobasyn iske asyrýdy bastady, onyń maqsaty turǵyndardyń bastamalary men usynystary negizinde qala aýdandaryn damytý jáne abattandyrý.
2019 jyly Almaty turǵyndarynan 333, al 2020 jyly 795 bastama tústi. Ótken jyly qala turǵyndary óz aýlalaryn, kóshelerin jáne aýdandaryn damytýǵa jáne abattandyrýǵa 934 usynys berdi.
Ótken jyldyń qorytyndysy boıynsha, qala turǵyndarynyń bastamasyna qatysty Almatyda jalpy quny 5,4 mlrd teńge bolatyn 256 joba iske asyrylyp, paıdalanýǵa berildi. İske asyrylǵan jobalardyń ishinde Alataý aýdanynyń "Shańyraq-2" shaǵynaýdanyndaǵy (Ysqaqov kóshesi) jáne "Tomırıs" shaǵynaýdanyndaǵy (Marqataý kóshesi) balalar jáne sport alańdaryn aǵymdaǵy jóndeý; Túrksib aýdanynyń Volochaevskaıa jáne Súıinbaı kóshelerindegi balalar jáne sport alańdaryn; Áýezov aýdanynyń Saın jáne Jubanov kósheleri qıylysyndaǵy kópir astyndaǵy sport alańdaryn, Tóle bı kóshesiniń, (Iassaýı kóshesi men Momyshuly kóshesiniń arasyndaǵy) Iassaýı kóshesiniń boıyndaǵy jaıaý júrginshiler aımaǵyn salý jáne t.b.
Aǵymdaǵy jyldyń 1 maýsymynan bastap Almatyda «Halyqtyń búdjetke qatysýy» aıasynda jobalyq usynystardy qabyldaý bastaldy, olardy iske asyrý 2023 jylǵa josparlanýda. Ótinim berý merzimi budget.open-almaty.kz. saıty arqyly 20 shildege deıin ári bir jobanyń eń joǵary quny 61,2 mln teńgeden aspaıdy.
Búginde qala turǵyndary 62 ótinim berdi. Berilgen bastamalar sany boıynsha Alataý (20), Bostandyq (10), Áýezov (7) jáne Medeý (7) aýdandary kósh bastap tur.