Búgin Qyrǵyzstanda ýaqytsha turyp jatqan qazaqstandyqtar úshin №264 saılaý ýchaskesi ashyldy. Bul ýchaske Qyrǵyzstandaǵy Qazaqstan Elshiliginde ornalasqan, dep habarlaıdy Almaty-akshamy.kz Inform.kz-ke silteme jasap.
Referendým komısıasynyń tóraǵasy Áset Ýálıev «QazAqparat» HAA tilshisine bergen suhbatynda ýchaskege 300-den astam daýys berýshi kelýi múmkin ekenin aıtty. Elshilik alǵashqy bolyp kelgen saılaýshylarǵa estelik syılyqtar men kádesyılar berdi. Ýchaskede birinshi bolyp Kadralıev Kýbat Baryktabasuly daýys berdi. Bishkektegi ýchaskede halyqaralyq baqylaýshylar jumys istep otyr. Buǵan deıin habarlaǵanymyzdaı, Japonıa men Koreıada turatyn Qazaqstan Respýblıkasynyń azamattary elimizdiń Konstıtýsıasyna ózgerister men tolyqtyrýlar engizý jónindegi jalpyulttyq referendýmda ózderiniń daýys berý quqyǵyn alǵashqylardyń biri bolyp paıdalandy.
Sheteldegi daýys berý ýchaskeleri jergilikti ýaqytqa saı ashylyp, referendýmǵa qatysýǵa nıetti qazaqstandyqtardy qabyldap jatyr.