Jeke kásipker retinde tirkelgen jaǵdaıda tıisti salyq rejımin tańdaý qajet.
Biryńǵaı jıyntyq tólemniń qoldaný merzimi aıaqtaldy, dep habarlaıdy Almaty-akshamy.kz memlekettik kirister komıtetine silteme jasap.
Esterińizge sala keteıik, biryńǵaı jıyntyq tólem bastapqyda dara kásipker retinde tirkelmegen ózin-ózi jumyspen qamtyǵan azamattar úshin, eger olar tek jeke tulǵalarǵa qyzmet kórsetse jáne olardyń kirisiniń somasy jylyna 4 mıllıon teńgeden aspasa, 5 jylǵa (2019 jyldan 2023 jylǵa deıin) ýaqytsha engizildi.
"Qazir, belgili bolǵandaı, jeke tulǵalardyń kiristerin deklarasıalaýdy kezeń-kezeńimen engizýi júrip jatyr, onda kiristiń mólsherin kórsetý qajet. Buryn kásipkerlik qyzmetti tirkemegen azamattar kásipker bolýdy nemese jaldamaly qyzmetker bolýdy tańdaýy kerek. Jeke kásipker retinde tirkelgen jaǵdaıda tıisti salyq rejımin tańdaý qajet. Jeke qyzmetterdi kórsetý kezinde eń tıimdisi – arnaýly mobıldi qosymshany paıdalanatyn salyq rejımi bolyp tabylady, ol chek berýge múmkindik beredi, siz úshin salyqtar men tólemderdi esepteıdi, bul rette deklarasıa usynylmaıdy", - delingen vedomstvo habarlamasynda.
Málim bolǵandaı, búdjetke tólemi alynǵan kiristen 1 paıyzdy quraıdy, bul jeke tabys salyǵynyń mólsherlemesi. Jeńildikti sanattarǵa jatpaıtyn kásipkerdiń áleýmettik tólemderiniń eń tómengi somasy 14 350 teńgeni quraıdy.
Bul kásipkerdiń paıdasyna túsetin tólemder (zeınetaqy jarnalary – 7000 teńge, áleýmettik aýdarymdar – 3450 teńge, medısınalyq saqtandyrý jarnalary – 4900 teńge).