Ázirge qanshaǵa kóteriletini belgisiz.
Almatyda 1 shildeden bastap sý, jaryq pen jylýǵa tarıf qymbattaıdy, dep habarlaıdy Almaty-akshamy.kz
Bul týraly búgin Tabıǵı monopolıalardy retteý komıteti Almaty qalasy boıynsha departamentiniń basshysy málimdedi.
«Ázirge qanshaǵa kóteriletini belgisiz. Belgilisi iri monopolıser óz usynystaryn berip jatqanǵa uqsaıdy. Máselen, elektr jaryǵyn 40 paıyzǵa, jylý men ystyq sýdyń baǵasyn 43 paıyzǵa, al, sýyq sýdy 44 paıyzǵa kóterý usynylypty. Bul "Tarıfti ınvestısıaǵa almastyrý" qaǵıdasy boıynsha qolǵa alynǵan sharalar. Tarıften túsken qarajat jóndeý jumystaryna ketedi», dedi Tabıǵı monopolıalardy retteý komıtetiniń ókili.
Aıta ketý kerek, qazirgi ýaqytta Almaty boıynsha "Alataý jaryq kompanıasynyń" jelileri 92,67 paıyzǵa, jylý jelileri 59,2 prosentke, al, sýmen qamtamasyz etetin jeliler 56,4 paıyzǵa tozǵan. Tarıf baǵasy ósken soń, apattar azaıyp, komýnaldyq qyzmet kórsetý sapasy artady dep otyr jaýaptylar. Oǵan qosa, 2029 jylǵa qaraı jeliler 15%-ǵa jańartylady dep ýáde etti.
"Tarıf baǵasy birden ósip ketpeıdi. Naqty qansha kóterilgenin monopolıser 5 kún buryn habarlaıdy. Iaǵnı, 25 maýsymnan bastap belgili bolady. Barlyq ótinishter tarıfterdi qalyptastyrý erejelerine sáıkes qaralatynyn aıtqym keledi. Ol úshin máslıhat depýtattarynan bastap, qoǵam belsendileri, sarapshylardyń qatysýymen tyńdalym bolady", - dedi Tabıǵı monopolıalardy retteý komıteti Almaty qalasy boıynsha departamentiniń basshysy Ásel Bódeneeva.