«Qazaqstan temir joly» «áıelder» vagondaryna bıletter satylymyn iske qosty
«Jolaýshylar tasymaly» AQ bıletterdi elektrondyq satý júıesin turaqty túrde jetildirip otyrady. Aǵymdaǵy jyldyń 10 qazanynan bastap kompanıa áıel adamdar úshin jol júrý qujattaryn (bıletterdi) resimdeý boıynsha jańa qyzmetti iske qosty, dep habarlaıdy almaty-akshamy.kz «Qazaqstan temir joly» baspasóz qyzmetine silteme jasap.
Jobany iske asyrý úshin №77/78 «Almaty – Mańǵystaý» jáne №351/352 «Almaty-1 – Óskemen» jolaýshylar poıyzdarynda bir kýpe vagony iske qosyldy. BILET.RAILWAYS.KZ saıtynda nemese «Jolaýshylar tasymaly» AQ bılet kasalarynda temir jol bıletterin rásimdeý kezinde «JN» (áıelder) belgisi bolǵan jaǵdaıda bul vagon tek qana áıel jynysty jolaýshylarǵa (tolyqtaı vagonǵa) bılet satýǵa arnalǵandyǵyn bildiredi.
Sondyqtan er jolaýshylar poıyz bıletterin satyp alǵanda abaı bolý kerek. Bul rette atalǵan vagonǵa erip júretin adam bolǵan kezde 7 jasqa deıingi er jynysty balalardy resimdeýge ruqsat etiledi.
Birinshi reıske (№77 – 58p. poıyzy, №351– 34p. poıyzy) aǵymdaǵy jyldyń 10-shy qazanynda «áıelder» vagonyna 92 jolaýshynyń jol júrý qujattary (bıletterin) rásimdeldi.
Áıel jolaýshylar tarapynan osy qyzmetke suranys bolǵan jaǵdaıda kompanıa Qazaqstan ishindegi baǵyttardyń aýqymyn keńeıtýge jáne óz klıentteri tarapynan usynystarǵa daıyn.