Qazaqstan bes memleketke qosymsha 4 mlrd dollarǵa deıin eksport jasaı alady.
Saýda jáne ıntegrasıa mınıstrliginiń keńeıtilgen alqa májilisinde Qytaı, Túrkıa, BAÁ, Úndistan jáne Iran elderinde Qazaqstannyń saýda ókildikterin qurý máselesi kóterildi, dep habarlaıdy Almaty-akshamy.kz QazAqparatqa silteme jasap.
«Halyqaralyq tájirıbe eksportty saýda ókilderi arqyly ilgeriletýdiń tıimdi ekenin kórsetip otyr. Qazaqstannyń Azıa men Eýropa naryǵyna jasaıtyn eksport kólemin arttyrýǵa múmkindigi mol. Osyǵan baılanysty Birikken Arab Ámirlikteri, Qytaı, Túrkıa, Úndistan jáne Iran sıaqty eldermen jumys isteıtin saýda keńesshilerin taǵaıyndaý máselesi pysyqtalyp jatyr», - dedi Premer-Mınıstr.
Onyń sózinshe, Qazaqstan atalǵan bes memleketke qosymsha 4 mlrd dollarǵa deıin eksport jasaı alady.
«Eksportty odan ári qoldaı túsý úshin, atalǵan elderdegi saýda ókildikterin qurýdy tapsyramyn», - dedi Álıhan Smaıylov alqa otyrysynda.