Germanıa astanasy Berlın qalasynda qazaqtyń bas aqyny Abaı Qunanbaıulynyń eskertkishi ornatylady.
Bul týraly Germanıadaǵy Deutsch-Kasachische Gesellschaft Germanıa-Qazaqstan qoǵamynyń jetekshisi Galına Nurtazına málim etti, dep habarlaıdy almaty-akshamy.kz
«2000 jyly Germanıa astanasy Berlınde Abaı atyndaǵy kóshe ashyldy. Qatelespesem, Eýropa keńistiginde Abaıdyń qurmetine berilgen alǵashqy kóshe. Árıne, bul jerde Qazaqstan respýblıkasynyń orny men elshilik qyzmetkerleriniń eńbegi zor. Bıyl Berlındegi Abaı atyndaǵy kóshe boıynda onyń eskertkishi ornatylady», - dedi Galına Nurtazına «Adamzattyń bárin súı, baýyrym dep» atty aqyn Abaıdyń týǵan kúnine oraı onlaın ótken konsert barysynda.
Onyń aıtýynsha, Berlındegi Abaı kóshesi Qazaqstan elshiligi ǵımaratynana jaqyn jerde ornalasqan.
«Elshilikke qonaq bolyp kelgen árbir adam Abaıdyń kim ekenin surap jatady. Árıne, biz qýana-qýana Abaıdyń qazaq halqy úshin kim ekenin aıtyp beremiz. Abaı jáne onyń shyǵarmashylyǵyn halyqaralyq deńgeıde dáripteý maqsatynda ótken jyldyń qarasha aıynan bastap bizdiń ortalyqta «Abaı úıi» óz esigin aıqara ashty. Aldaǵy qarashada ortalyqtyń jumys istep turǵanyna 1 jol tolady. Osy ýaqyt aralyǵynda kóptegen is-sharalar uıymdastyryldy», - deıdi ol.