Qasıetti Ramazan aıynyń bastalýyna sanaýly kúnder qaldy
Bas múftı Naýryzbaı qajy Taǵanulynyń tóraǵalyǵymen Qazaqstan musylmandary dinı basqarmasynyń tóralqa májilisi ótti, dep habarlaıdy Almaty-akshamy.kz Elorda.info-ǵa silteme jasap.
«Sanaýly kúnderden soń qasıetti Ramazan aıy bastalady. Musylman úmbeti úshin Ramazan – erekshe aı. Meıirim men keshirimge, saýapqa toly aıdy ádettegideı óz deńgeıinde ótkizýdi Alla násip etsin! Osy aıda meılinshe qaıyrymdylyq is-sharalardy kóbirek atqarýǵa shaqyramyn», - dedi jıyndy ashqan QMDB tóraǵasy.
Tóralqa májilisinde naıb múftı, Sharıǵat jáne pátýa bóliminiń meńgerýshisi Sansyzbaı Qurbanuly bıyl qasıetti Ramazan aıy 2 sáýirden bastalatynyn, Ózbekstan, Qyrǵyzstan musylmandary dinı basqarmasymen keńesip, osyndaı ortaq sheshim qabyldanǵanyn atap ótti.
Májiliste «Zeket jáne qaıyrymdylyq» qorynyń dırektory Qanat Qydyrmın qasıetti aıda atqarylatyn qaıyrymdylyq is-sharalar týraly Bas múftıge baıandady.
Aıta ketsek, bıyl Ramazan aıy 2 sáýirde bastalyp, 1 mamyrda aıaqtalady. Oraza 30 kún bolmaq. 2 mamyr – Oraza aıt kúni. 27 sáýirden 28 sáýirge qaraǵan tún – Qadir túni.