Qazaq geologıalyq barlaýynyń negizin qalaýshylardyń biri, qazirgi Energetıka mınıstri Bolat Aqsholaqovtyń ákesi Oral Aqsholaqov 87 jasynda ómirden ótti, dep habarlaıdy Almaty-akshamy.kz.
Oral Aqsholaqov - 170-ten astam ǵylymı qoljazbanyń, sondaı-aq Qazaqstan munaı ensıklopedıasynyń eki basylymynyń avtory. Sonymen qatar, Prorva, Martyshı, Qamyshtytovy, Jańajol, Jetibaı, Ózen, Tasbolat, Keńqıaq, Óriktaý, Qarashyǵanaq jáne t.b. birqatar munaı-gaz ken oryndaryn ashqan ǵalym.
Oral Aqsholaquly Aqsholaqov 1936 jyly 16 maýsymda Atyraý qalasynda dúnıege kelgen. 1958 jyly Gýbkın atyndaǵy Máskeý munaı ınstıtýtyn geolog mamandyǵy boıynsha bitirgen.
1976 jyly «Kaspıı oıpatynyń ońtústik bóligindegi munaı-gaz ken oryndarynyń geologıalyq qurylymy men ornalasýynyń erekshelikteri» taqyrybynda kandıdattyq dısertasıasyn qorǵady.
Eńbek jolyn 1958 jyly Batys Qazaqstan geologıalyq basqarmasy men Gýrev keshendi aýmaqtyq munaı jáne gaz barlaý ekspedısıasynyń kolektory bolyp bastady. Birneshe jyl geologıalyq ekspedısıalarda jumys istedi.
1992-1994 jyldary - Qazaqstan Geologıa jáne jer qoınaýyn qorǵaý mınıstrliginiń bas munaı-gaz basqarmasynyń bastyǵy. 1994 jyldan 1998 jylǵa deıin «QazMemlekettik» RMK mıneraldyq resýrstar bas basqarmasy bastyǵynyń orynbasary boldy. Odan keıin birneshe jyl «Stepnoı Leopard» birlesken kásipornynyń bas dırektory, «Taý-ken jáne ekonomıkalyq konsaltıń» JSHS bas mamany qyzmetterin atqardy.
2003 jyldan bastap Marabaev atyndaǵy «Munaıshy» qoǵamdyq qorynyń quryltaıshysy jáne Qamqorshylyq keńesiniń múshesi boldy.