Marafon 1981 jyldan bastap jyl saıyn ótkizilip keledi.
QHR astanasynda 31 qazanda ótetin mereıtoılyq, 40-halyqaralyq Beıjiń marafonyna tek vaksına alǵan jelaıaqtar ǵana jiberiledi. Bul týraly sport sharasyn uıymdastyrý komıtetiniń habarlamasynda aıtylǵan, dep habarlaıdy Almaty-akshamy.kz QazAqparat-qa silteme jasap.
40-halyqaralyq Beıjiń marafony 2020 jyly ótýi tıis bolǵan, alaıda koronavırýs pandemıasyna baılanysty ótkizilmegen edi. Bıylǵy jyldyń 1 qazanynan bastap Qytaıdaǵy osy bedeldi sport jarysyna qatysýshylardy tirkeý resmı túrde ashyldy. Tirkeý 4 qazanǵa deıin jalǵasady. Uıymdastyrý komıtetiniń habarlamasynda aıtylǵandaı, sondaı-aq marafon qatysýshylary koronavırýsqa qarsy vaksınalanýy kerek, olar júgirýden 21 kún buryn kún saıyn densaýlyǵynyń jaı-kúıi týraly habar berip, Beıjińnen shyqpaýy kerek. Sonymen qatar, marafon bastalardan 72 saǵat buryn júgirýshilerdiń KVI testisi teris nátıje kórsetýi kerek. Uzyndyǵy 42,195 km bolatyn marafon qashyqtyǵy Beıjińniń ortalyǵyndaǵy Tánanmen alańynan bastalyp, QHR astanasynyń soltústigindegi olımpıadalyq sport kesheninde aıaqtalady. Beıjiń marafony 1981 jyldan bastap jyl saıyn ótkizilip keledi. Jarys trassasy Jeńil atletıka federasıalarynyń halyqaralyq qaýymdastyǵynyń ólshemderine sáıkes keledi jáne onda álemdik rekordtar ornata alady.