Eńbek etseń toq júrersiń
Reseılik «Sport-ekspress» basylymy Qurlyqtyq hokeı lıgasynda jalaqysy eń kóp sportshylar tizimin jarıalady, dep habarlaıdy Almaty-akshamy.kz Rrosports.kz-ke silteme jasap.
Tizimde elordalyq «Barystyń» qorǵaýshysy ári kapıtany Darren Dıs kósh bastap tur. Onyń jyldyq jalaqysy 100 mıllıon rúbl (15 qazandaǵy derek boıynsha, 595 mıllıon teńge) eken.
Ekinshi orynda máskeýlik «Dınamonyń» shabýylshysy Vadım Shıpachev (95 mln rúbl) tur. Úshinshi oryndy ýfalyq «Salavat Iýlaev» forvardy Temý Hartıkaınen men ıaroslavtik «Lokomotıv» shabýylshysy Maksım Shalýnov bólisken.
Bul tizimde «Barystyń» taǵy bir oıynshysy shvesıalyq Iakob Lıle de bar. Onyń jalaqysy - jylyna 35 mln rúbl (208,25 mln teńge). Qazaqstan quramasynyń qorǵaýshysy, qazir máskeýlik SSKA-da oınaıtyn Vıktor Svedbergtiń jalaqysy osyndaı.