Ǵalym Alash qaıratkerleriniń shyǵarmalary men ómir derekterin zerttep, ǵylymı eńbekter jazdy
Búgin jazýshy, ǵalym, fılologıa ǵylymdarynyń doktory, profesor, pýblısıs, qoǵam qaıratkeri Tursyn Qudakeldiuly Jurtbaı 70 jasqa toldy, dep habarlaıdy Almaty-akshamy.kz
Jurtbaı Tursyn Qudakeldiuly 1951 jyly Semeı oblysy, Abaı aýdany, Shaǵan aýylynda týǵan.
1974-1990 jyldary «Jetisý» gazetinde, «Bilim jáne eńbek», «Juldyz» jýrnaldarynda qyzmet istedi. 1990-1998 jyldary - M.Áýezov murajaıynda ǵylymı qyzmetker, bólim bastyǵy, dırektor. 1998- 2001 jyldary - doktorant, QazUÝ-da oqytýshy. 2001 jyldan bastap «Otyrar kitaphanasy» ǵylymı-zertteý ortalyǵynyń dırektory bop eńbek etip keledi.
«Júregimde jumyr jer» óleńder men poemalar, «Besqarager», «Dara tulǵa», «Jer - besik» roman-novellasy, «Beıýaq» roman-essesi, «Besigińdi túze», «Talqy» roman-esseleri, «Mýhtar Omarhanovıch Aýezov», «Kúıesiń júrek... súıesiń!», «Besigińdi aıala!...» kitaptary jaryq kórdi.
Tursyn Jurtbaı Alash qaıratkerleriniń shyǵarmalary men ómir derekteri týraly kóptegen izdenister júrgizip, solardyń negizinde ǵylymı eńbekter jazdy. Ol «Alash aqıyqtary» jınaǵyn qurastyryp, Alash qaıratkerleriniń beımálim shyǵarmalaryn jalpy jurtshylyqqa tanystyrdy. Halyqaralyq «Alash», İ.Jansúgirov atyndaǵy ádebı syılyqtardyń laýreaty.