Almatynyń tártip saqshylary jyl basynan beri esirtkige qatysty 545 qylmysty áshkereledi
Almatyda úsh esirtki zerthanasy joıyldy, dep habarlaıdy Almaty.akshamy.kz. Jýrnalısermen dástúrli kezdesýde Almaty PD-niń basshysy sıntetıkalyq esirtkilerdi shyǵaratyn 3 zerthananyń joıylǵanyn habarlady.
«Olardyń biri Medeý aýdanyndaǵy jaldamaly úıden tabyldy. Tintý kezinde sıntetıkalyq esirtki óndirýge arnalǵan komponentter, sondaı-aq satýǵa daıyn, jalpy salmaǵy 3,5 keli “mefedron” zaty tárkilendi. Bul ónimniń satý baǵasy shamamen 40 mıllıon teńgeni quraıtyn edi. Sondaı-aq sáýir aıynda biz esirtki bıznesine qatysty uıymdasqan qylmystyq top qurǵany úshin kinálary dáleldengen 8 aıyptalýshynyń ustalǵany týraly habarlaǵan bolatynbyz. Top ınternet resýrstary arqyly “mefedron” sıntetıkalyq esirtkisin óndirýmen jáne satýmen aınalysty. Sonymen qatar, qoǵammen birge esirtki zattarynyń taralýy týraly aqparatty qamtıtyn 3 901 graffıtı-jazýlar boıaldy. Esirtkini jarnamalaǵany úshin 5 adam qylmystyq jaýapkershilikke tartyldy. Almaty polısıasynyń bastamasymen jyl basynan beri 357 ınternet-saıt buǵattaldy», – dedi Qanat Taımerdenov.
Jyl basynan beri Almaty polısıasy 545 esirtki qylmysyn ashty. 380 keliden astam esirtki tárkilenip, zańsyz aınalymǵa jiberilmedi.