Qazaqstan Ulttyq banki nomınaly 500 teńgelik «Shyǵys kúntizbesi» monetalar serıasynan «Barys jyly» koleksıalyq monetalaryn aınalymǵa shyǵarady, dep habarlaıdy almaty-akshamy.kz QazAqparatqa silteme jasap.
Altyn jáne kúmis monetalardyń dızaınynda «Shyǵys kúntizbesi» sýburqaǵynyń (Almaty) sáýlet elementteri paıdalanylǵan. Músindik kompozısıany sýretshi-monýmentalıst V. Tverdohlebov A. Tatarınovpen jáne V. Kasevpen birlesip jasaǵan. «Barys jyly» monetalarynyń oń betinde aspan álemindegi juldyzdar kartasynda juldyzdar shoǵyrynyń mıfologıalyq sımvoly beınelengen. Sondaı-aq moneta daıyndalǵan metal, onyń synamasy men massasy jazylǵan.
Shaqany aınaldyra «QAZAQSTAN RESPÝBLIKASY» jáne «REPUBLIC OF KAZAKHSTAN» degen jazýlar, kúnniń stıldendirilgen beınesi jáne monetanyń nomınaly beınelengen.
Monetalardyń teris betinde shyǵys kúntizbesi boıynsha 2022 jyldyń sımvoly – barys beınesi beınelenip, aınaldyra «2022», «SHYǴYS KÚNTİZBESİ», «VOSTOCHNYI KALENDAR» jáne «ORIENTAL CALENDAR» dep jazylǵan.
İshki jaǵynda shyǵys kúntizbesiniń qalǵan on bir sımvoly ornalasqan. Altyn monetalar 999/1000 synamaly. massasy – 7,78 gram, dıametri – 21,87 mm, daıyndaý sapasy – «proof», nomınaly 500 teńek, taralymy – 1 myń dana.
Kúmis monetalar 925/1000 synamaly, massasy – 31,1 gram, dıametri - 38,61 mm, daıyndaý sapasy – «proof», nomınaly – 500 teńge, taralymy – 3 myń dana.
Aıta keteıik, atalmysh eki moneta da koleksıalyq quny boıynsha satýǵa arnalǵan. Olar Qazaqstan Respýblıkasynyń búkil aýmaǵynda naqty qunymen tólemniń barlyq túrleri boıynsha, sondaı-aq bank shottaryna esepteý, aýdarym jasaý úshin qabyldanýǵa, Qazaqstan Respýblıkasynyń barlyq bankterinde usaqtalýǵa jáne aıyrbastalýǵa jatady.
Altyn jáne kúmis monetalar kádesyı oramasymen shyǵarylady, memlekettik, orys jáne aǵylshyn tilderindegi QUB nómirlik sapa sertıfıkatymen jabdyqtalǵan. Koleksıalyq monetalar Qazaqstan teńge saraıynda daıyndaldy.