Nur Otan partıasy Almaty qalalyq fılıalynyń tóraǵasy, qala ákimi Baqytjan Saǵyntaev azamattardy qabyldaý ótkizdi, dep habarlaıdy almaty-akshamy.kz
Qala turǵyndary abattandyrý, jol ınfraqurylymyn damytý jáne aýlalardy jóndeý máseleleri boıynsha júgindi. Baqytjan Saǵyntaevtyń tapsyrmasy boıynsha Bostandyq aýdanyndaǵy aýlanyń syrtqy jaryǵynyń máselesi sheshiledi. Kelesi jylǵa oıyn alańyn jasaý ári kúrdeli jóndeý qarastyrylǵan.
Sondaı-aq, Naýryzbaı aýdanyndaǵy jekemenshik bilim berý mekemesin elektrmen úzdiksiz qamtamasyz etý jáne Medeý aýdanynda joldardy jóndeý máselesi sheshiletin bolady.
Baqytjan Saǵyntaevtyń tapsyrmasy boıynsha arbada otyrǵan múgedek sportshylar Tarazda ótetin bodıbıldıngten ulttyq chempıonatqa qatysa alady.
Almaty metropolıteniniń ardageri O.Smaǵulovtyń metronyń iske qosylýynyń 10 jyldyǵy qurmetine murajaı ashý jónindegi usynysy qoldaý tapty.