Qala ákimi bul baıqaýǵa bıznes sýbektileriniń qyzyǵýshylyq tanytyp otyrǵanyn jetkizdi.
Almaty «Aýla aýmaǵyn kógaldandyrý» baıqaýy keler jyly jalǵasady. Bul týraly qala ákimi Baqytjan Saǵyntaev Akimat live baǵdarlamasynyń tikeleı efırinde aıtty, dep habarlaıdy Almaty-akshamy.kz
Tikeleı efırde aýla aýmaǵyn kógaldandyrý máselesine baılanysty qala turǵynynyń suraǵyna jaýap bergen ákim «Aýla aýmaǵyn kógaldandyrý» baıqaýy keler jyly da jalǵasatynyn aıtty. Ári bul baıqaýǵa bıznes sýbektileriniń qyzyǵýshylyq tanytyp otyrǵanyn jetkizdi.
Eske sala keteıik, bıylǵy «Aýla aýmaǵyn kógaldandyrý – 2021» baıqaýy qala kúnine oraı uıymdastyryldy. Jeńimpazdarǵa 5 mln teńgeniń sertıfıkaty tabystaldy.