Ekpe saldyrý elimizdiń keıbir aımaqtarynda tirkelgen jańa Eta shtamyna da tosqaýyl bolady.
«Almaty» TA-daǵy Akimat live baǵdarlamasynyń tikeleı efırinde qala ákimi Baqytjan Saǵyntaev koronavırýstyń aǵymdaǵy jaǵdaıy jáne vaksınalaný qarqyny týraly aıtty, dep habarlaıdy Almaty-akshamy.kz
Almaty epıdemıologıalyq baǵalaý matrısasynda qyzyl aımaqta qalady. 22 qyrkúıekte qalada koronavırýs ınfeksıasynyń 164 289 jaǵdaıy tirkeldi, onyń ishinde 141 872 naýqas sımptomdy jáne 22 417 - sımptomsyz, anyqtalmaǵan pnevmonıa - 2346. 21 qyrkúıete koronavırýs ınfeksıasynyń 498 jaǵdaıy tirkeldi, onyń ishinde 470-i sımptomdy, 28-i sımptomsyz, anyqtalmaǵan pnevmonıa - 5.
Infeksıalyq stasıonarlarda 5 230 tósek oryn bar, olarda 2337 adam emdelýde, onyń ishinde 111 bala. 100 naýqas aýrýhanaǵa óte aýyr jaǵdaıda tústi, 993-iniń jaǵdaıy aýyr, 1241-i ortasha aýyrlyqta, 3-iniń jaǵdaıy jeńil. Reanımasıa jáne ıntensıvti terapıa bóliminde 229 naýqas jatyr. ÓJJ apparatynda - 43, ınvazıvti emes ÓJJ - 103, High flow apparatyndaǵylar – 68.
Baqytjan Saǵyntaev sanıtarlyq-epıdemıologıalyq qaýipsizdik sharalaryn saqtaý jáne KVI boıynsha jappaı vaksınalaný ınfeksıanyń jańa tolqynynyń aldyn alýǵa kómektesetinin eske saldy.
Ótken táýlikterde birinshi komponentpen 2417 adam, ekinshi komponentpen 3906 adam vaksınasıalandy. 1 aqpannan 21 qyrkúıekke deıingi aralyqta 933 678 adam I komponentpen, 827 239 İİ komponentpen egildi.