Shara aıasynda saıabaqtar, gúlzarlar, aýlalar tazartylady.
«Tehnodom» saýda úıiniń jarnama rolıkteri arqyly tanymal Ǵ.Músirepov atyndaǵy Qazaq memlekettik balalar men jasóspirimder teatrynyń akteri, «Serper» jastar syılyǵynyń ıegeri Baqyt Týshaev úshin búgingi kúni merekege teń. Akterdiń ár sózinen arý Almatyǵa degen mahabbaty seziledi.
«Almatynyń tazalyǵy adamnyń óziniń tazalyǵy dep oılaımyn. Adamnyń ishki jan dúnıesiniń tazalyǵy qorshaǵan ortaǵa da áser etedi. Sol sebepti almatylyqtarǵa qalamyzdy taza ustaıyq degim keledi. Tabıǵatty meılinshe aıalaıyq. Tabıǵatty aıalaı bilgen adam, árbir dúnıesin aıalaı biledi», - dedi Baqyt Baým toǵaıynda.
Aıta keteıik, búgin Almatyda qalalyq ákimdiktiń qoldaýymen qoǵamdyq uıymdar uıymdastyrǵan «Almaty Clean & Green» ekologıalyq aksıasy ótip jatyr. Bul ıgi shara aıasynda saıabaqtar, gúlzarlar, aýlalar, qaraýsyz qalǵan aýmaqtar men qoǵamdyq oryndar tazartylady.