Prezıdentimiz 29 tamyzdy Qaraly kún dep jarıalady. Árıne, bul durys sheshim. Ózderińiz biletindeı, Jambyldaǵy jarylystan qaza tapqandar sany on úsh adamǵa jetti. Al zardap shekkenderi 90-nan asty. Tipti, analardyń keıbiri aýrýhanalardyń aldyn torýyldap, balalarynyń tiri qalǵanyna qýanýda.
Osydan eki jyl burynǵy Arys oqıǵasy áli esimizden kete qoımaǵan bolar. Tarazdaǵy jarylys eldiń eńsesin túsirdi. Sol kezde, mundaı jaǵdaı qaıtalanbaıdy dep úmittengen edik, alaıda qaıtalandy.
Tosynnan paıda bolǵan opat on úsh otbasynyń qabyrǵasyn qaıystyryp, jaqyndarynan aıyrdy. Meniń oıymsha, osy oqıǵalarǵa kináliler jazalanyp, óz olqylyqtarynan sabaq alýy qajet.
Aldaǵy ýaqytta saqtyq sharalaryn myqtap ustanyp, birligimizdi bekem ustaýymyz qajet.