Aldymen ınvestorlardy anyqtap alý kerek.
Almaty oblysynyń ákimi Qanat Bozymbaev Taldyqorǵannan Balqash kóline deıingi joldyń qurylysyna bıyl qosymsha qarjy bólý qarastyrylyp jatqanyn aıtty, dep habarlaıdy Almaty-akshamy.kz Almaty oblysy ákiminiń baspasóz qyzmetine silteme jasap.
Ákimniń aıtýynsha, Taldyqorǵan – Óskemen respýblıkalyq jolynyń Alakólge deıingi ýchaskesiniń qurylysy tıisti jumys kestesine sáıkes aıaqtalatyn bolady.
«Biz qazir «Qazaqstan Temir Joly» AQ basshylyǵymen jańa maýsymda Alakólge jaqsy vagondar júrgizý týraly sóılesip jatyrmyz. Bir-eki aptada buǵan qatysty eki jaqty tıisti qujatqa qol qoıamyz. Balqash kóli jaǵalaýynda da týrısik aımaq bolady. Tıisti jerler memleket menshigine qaıtarylyp alynǵan. Tek aldymen osy demalys aımaǵyna qonaq úı jáne basqa da týrısik nysandar salǵysy keletin ınvestorlardy anyqtap alýymyz kerek. Sodan soń ǵana ınfraqurylymmen qamtý jumystaryn bastaımyz. Qurylys jumystarynyń tehnıka-ekonomıkalyq negizdemesi men jobalyq-smetalyq qujattary daıyn», - dedi Qanat Bozymbaev Jýrnalıser úıinde ótken brıfıń kezinde.
Sonymen qatar, ákimniń aıtýynsha, Alakól kóline jaqsartylǵan poıyz vagondary qatynaıtyn bolady. Kópshilik jıi aıtatyn «vagondarda kondısıoner joq, ishi ystyq, sýy joq, vagondar tozyp ketken» deıtin shaǵymdardy eskerip, ákimdik «QTJ» AQ-men tıisti kelisimder jasasýda.